Baran
Baranê xweşke xweşke
E,rd û ezmana reşke …
Rengê kesk girêde xemla zemîn
Gula lal bike xwîn
Jê berde bîn
Geya raxe himbiz û şîn
Bike herî axa ku ziwaye hîn
Ezmanên reş bi tav û birûska bike mizgîn
Baranê xweşke xweşke
E,rd û ezmana reşke …
şahke dilê cotyar
Rake ser wî bar
çêke jêre kar
Hilîne kul û derdê mirovên hejar
Geşke şînahiya pelên li ser dar
Baranê xweşke xweşke
E,rd û ezmana reşke …
Te kuşt serma û seqem
Te nehişt ji mirovare xem
Herikî dîse av li cem
Xweşbû li me dem
Bi bîr dihat zîn û mem
Baranê xweşke xweşke
E,rd û ezmana reşke...
Agir li sobê geşke
Bîna nan li tenûrê xwşke
Mast di keyê ew meşke .
Zarok lidora agir di lîzin
Pîre mêr cîroka di bêjin
Pîrek li ber dîwara di peyivin
Baranê xweşke xweşke
Erd û ezmana reşke...
Xort û qîz bo buharê xwe amededi kin
Bi gul û beybûn pêşwaziya evînê di kin
Bi baranê hêviyên ziwa ji nû şildikin
Kela dilê xwe hînik di kin
Azarên Kevin ji bîr di kin
Bîranîna nûdikin
Baranê xweşke xweşke
E,rd û ezmana geşke...
Rêwî Girpirî
06/12/2006 .Riyad
ليست هناك تعليقات:
إرسال تعليق